info-Montreal: Atleti Shqiptaro-Kanadez fiton Medalje Bronxi në Kampionatin Botëror

Në datat 19-25 Mars 2017 u zhvillua Kampionati Botëror për salla të mbyllura në kategorinë Master në Daegu të Koresë së Jugut. 


Foto: Gëzim Dimnaku gjatë Kërcimit Tre-hapësh

Sportisti shqiptar Gëzim Dimnaku përfaqësoi Kanadanë në këtë kampionat dhe në garën e Kërcimit Tre-hapësh, ku arriti të rrëmbej medaljen e bronzit megjithëse ishte i dëmtuar me një bllokim të nervit shiatik si rrjedhojë kjo e garave të kampionatit të Albertës e zhvilluar katër javë përpara ku Gëzimi they dy rekorde Kombëtare Kanadeze në Kërcim së gjati dhe Tre-hapësh.   


Vendin e parë në kampionat e zuri atleti suedes ish-kampioni i botës në kërcim së gjati në vitet 1990, Mattias Sunneborn. 

Ajo që është për të vlerësuar është se atelti shqiptaro-kanadez prej vitesh tashme me banim në Alberta Gëzim Dimnaku mban akoma në fuqi rekordin Kombëtar Shqiptar për salla të mbyllura të arritur që nga viti 2003 rekord që arriti të thyej në Dortmund Gjermani.

info-Montreal

E drejta e publikimeve rezervohet vetëm me lejen e autorit.

Copyright © 2017

Advertisements

info-Montreal: Fillojnë rregjistrimet për Shkollën Shqipe Nënë Tereza në Montreal


Dr. Armend Kosumi në bashkëpunim me Bashkësinë Shqiptare të Kebekut në Montreal zhvilloi sot seminarin “Fëmijë kudes dhëmbët”. U trajtuan disa tema mbi higjenën dentare, llojet e ushqimeve, kujdesi për dhëmbët edhe disa udhezime për fëmijët.


Gjithashtu për komunitetin shqiptar në Montreal u prezantua nga z. Nehat Kaloshi kryetari i BSHKM, Prof. Gramoz Isufaj dhe u njoftua për rihapjen e Shkollës Shqipe Nënë Tereza në ambjentet e Kolegjit Marianopolis në Montreal.


Prof. Gramoz Isufaj vjen me një eksperiencë të gjatë pedagogjike shumëvjeçare mësimdhënieje në Matematik-Fizik-Informatik si në Shqipëri dhe Kanada. Nga eksepriencat e tij më të rëndësishmet mund të përmendim këtu atë në Shkollën Harry Fultz në Tiranë apo drejtues shkolle, si edhe mësues në Kolegjin Privat Elite së fundmi në Kanada.

Shkolla Shqipe Nënë Tereza filloi rregjistrimet sot në ambientet e Kolegjit Marianopolis. Z. Nehat Kaloshi shpjegoi për info-Montreal se që ditën e sotme pas njoftimit pati të rregjistruar dhe njoftoi komunitetin shqiptar se janë çelur rregjistrimet dhe mund të kontaktoni me Bashkësinë nëse jeni të interesuar të rregjistroni fëmijët tuaj.

Shkolla Shqipe do të zhvillohet çdo ditë të diele dhe do të ketë gjithashtu një tarifë modeste rregjistrimi.

Profesor Isufaj i shpjegoi prindërve më tej se do të ketë një program mësimor standart për fëmijët duke e përshtatur me nivelin e grupit dhe do të ketë gjithashtu edhe aktivitete dhe mësim mbi historinë e njohuri të tjera plotësuese.

Për më tepër informacion ju lutem të ndiqni faqen e Bashkësia Shqiptare Montreal në Facebook.

info-Montreal

E drejta e publikimeve rezervohet vetëm me lejen e autorit.
Copyright © 2017

info-Montreal: 13 Kostot shtesë që duhen pasur parasysh përpara se të blini një shtëpi


“Gjëja e fundit që do të dëshironit janë detyrimet financiare të pa parashikuara që ju lindin pak orë para se të zotëroni shtëpinë tuaj të re.”

Nëse ju jeni duke kërkuar për të blerë shtëpinë tuaj të parë, apo për tu zhvendosur tek një shtëpi tjetër me hapësirë më të madhe, ka disa kosto shtesë mbi çmimin e blerjes që ju duhet të parashikoni në kalkulimet e llogaritjes së përballueshmërisë financiare. Këto tarifa ekstra, si taksat dhe kostot shtesë, mund t’ju befasojnë me një ankth fincanciar të pa dëshiruar në ditën përmbyllëse të blerjes në qoftë se ju nuk jeni të mirë informuar dhe të para përgatitur. 

Disa nga këto kosto janë angazhime një herëshe si pagesa fikse, kurse të tjerat përfaqësojnë angazhime të vazhdueshme me cikël mujor apo vjetor. Jo të gjitha këto kosto do të aplikohen në ç’do rast, si do qoftë është më mirë të dini rreth tyre paraprakisht në mënyrë që ti përfshini në buxhet. 

Blerja e një shtëpie është një hap i madh. Nëse është e para, e dyta apo e dhjeta shtëpi, ka shumë detaje të rëndësishme që duhen pasur parasysh, gjatë procesit të blerjes. Gjëja e fundit, që ju nuk do të dëshironit të zbulonit pak orë përpara se të bëheni pronar i shtëpisë suaj të re është të kuptoni se buxheti juaj nuk kishte parashikuar disa nga obligimet financiare.  

Për këtë arsye lexoni si vijon listën e plotë në mënyrë që të parashikoni më saktë buxhetin tuaj në hapin tjetër.

1) Tarifa e Vlerësimit (Appraisal Fee) 

Institucioni juaj i kreditimit mund të kërkojë një vlerësim të pasurisë e cila do të jetë përgjegjësia juaj për t’a paguar atë. Vlerësimet mund të ndryshojnë në çmim, ato variojnë prej rreth $ 175 – $ 300. 

2) Taksat e Pronësisë (Property Taxes) 

Në varësi të parapagesës tuaj në bankë, institucioni juaj i kreditimit mund të vendosë për të përfshirë taksat tuaja pronësore në pagesat tuaja apo këstet mujore. Në qoftë se taksat tuaja pronësore nuk janë shtuar në pagesat tuaja mujore, institucioni juaj i kreditimit mund të kërkojë dëshmi vjetore që taksat tuaja janë paguar.

3) Tarifa e Studimit të Pronës (Land Survey Fee) 

Kur e keni blerë shtëpinë si një rishitje (përkundrejt blerjes së një shtëpie të ndërtuar të re), institucioni juaj i kreditimit mund të kërkojë një studim të përditësuar të pronës. Kostoja për këtë studim mund të ndryshoj nga $ 700- $ 1,000.

4) Siguracioni i Pronës (Property Insurance) 

Siguracioni i pronës mbulon vlerën e zëvendësimit të shtëpisë tuaj (objektin përfshirë dhe përmbajtjen). Institucioni juaj i kreditimit do të kërkojë prova që ju jeni të siguruar që banka të mbrojë investimet e saj për kredinë e dhënë.

5) Tarifat e Shërbimit (Service Charges)

Rreth shërbimeve të reja që kërkojnë instalime fizike rrjeti në ndërtesën tuaj, të tilla si telefoni apo televizion kabllor etj, mund të kërkoj një tarifë instalimi.

6) Tarifat Ligjore (Legal Fees) 

Duke filluar nga më e thjeshta e blerjeve, të një shtëpie dhe duke vazhduar në blerje të pronave të llojeve të tjera duhet të ketë një avokat/noter të përfshirë për të shqyrtuar të gjitha dokumentet. Tregu i çmimeve varion, si dhe normat e tyre ndryshojnë më shumë në varësi të kompleksitetit të çështjeve dhe përvojës së avokatit/noterit.

7) Siguracioni i Kredisë Hipotekë (Mortgage Loan Insurance)

Në varësi të kapitalit në shtëpinë tuaj, disa nga hipotekat kërkojnë shtesë siguracionin e kredisë me hipotekë. Ky lloj sigurimi do të kushtojë midis 0.5% -3.5% të shumës totale të hipotekës. Zakonisht pagesat kryen mujore plus këstit të hipotekës suaj dhe pagesës së tatimit.

8) Tarifa e Brokerit (Mortgage Brokers Fee)

Një broker/agjent që trajton blerje me kredi hipotekë ka të drejtë të marrë pagesën nga ju si një komision në burim për të gjetur një huadhënës dhe për të organizuar financimin. Megjithatë, shërbimi paguhet për të analizuar tregun, dhe për të gjetur ofertën më të përshtatshme. Por shumë nga agjentët e hipotekave do të ofrojnë shërbimet e tyre “falas”, duke pasur koston e tyre të përfshirë në kostot e institucionin e kreditimit që e ka përfshirë atë tarifë.

9) Kostot e Zhvendosjes (Moving Costs)

Kostoja për një forcë lëvizëse profesionale mund t’ju kushtojë në rangun e:

• $ 50 – $ 100 / ora për një furgon dhe 3 punonjësit e specializuar për zhvendosje.

• 10-20% më të larta bëhen këto kosto gjatë stinëve të kërkesës dhe pikut.

10) Tarifat e Mirëmbajtjes (Maintenance Fees)

Në përgjithësi apartamenetet (Condos) kërkojnë pagesë mujore për mirëmbajtjen e zonave të përbashkëta, heqjen e dëborës, siguracionin e ndërtesës, mirembajtjen e lulishtes etj. Shpenzimet ndryshojnë në varësi të ndërtesës.

11) Cilësia e Ujit dhe Çertifikimi i Cilësisë (Water Quality and Quality Certification)

Nëse shtëpia që sapo keni blerë është e furnizuar nga uji i një pusi, duhet marrë parasysh që uji juaj duhet kontrolluar nga ekspertët tuaj lokal. Vendodhja ku do të jetoni përcakton nëse një tarifë është apo jo e aplikueshme për të vërtetuar dhe çertifikuar sasinë dhe cilësinë e ujit. 

12) Përmirësimet Lokale (Local Improvements)

Nëse qyteti ku jetoni ka bërë përmirësime lokale (të tilla si shtimi i kanalizimeve apo i trotuareve), ajo mund të ndikojë në rritjen e taksave të pronës me mijëra dollarë.

13) Taksa e Transferimit të Pronës (Welcome Tax)

Kjo taksë aplikohet kur pasuria ndryshon pronarin dhe shuma që aplikohet mund të variojë. 

Informacioni referencë nga faqja e internetit:
http://www.montrealrealestatehelp.ca/seminar_13costs

Aurel Zaloshnja
Agjent Imobiliar i Çertifikuar

Kliko më poshtë për tu drejtuar tek faqja e internetit: www.century21.ca/a.zaloshnja

Info-Montreal

E drejta e publikimeve rezervohet vetëm me lejen e autorit.

Copyright © 2017 

info-Montreal: Të bashkuar, të promovojmë shtetin e ri të Kosovës, duke reflektuar punë të mira.

Me rastin e përvjetorit të pavarësisë së Kosovës, Info-Montreal zhvilloi një intervistë me z. Mehdi Isufi (rapsod). Duke prekur tre tema, momentet e vështira të largimit nga atdheu, integrimi në komunitetin Kanadez dhe takimi me Kryeministrin e Kanadasë z. Justin Trudeau si dhe mesazhet e përcjella me rastin e veçant të festës së pavarësisë.

Info-Montreal: Z. Mehdi, për atë pjesë të komunitetit që nuk ju njohin, mund të na tregoni se kur jeni larguar nga Kosova dhe kur keni ardhur në Kanada?

Mehdi Isufi: Jam shpërngulur në fillim nga Kosova në vitin 1988, fillimisht u vendosëm në Zvicër ku kemi banuar për rreth 10 vjetë, kam qenë me statusin e azilantit dhe në përfundim nuk më është pranuar. Për këtë arsye ka qenë shumë e vështirë në vazhdim as për tu shkolluar dhe për të punuar. Kështu që zgjodhëm një vend me familjen për të jetuar, punuar e shkolluar me qëllimin për të ecur përpara. Në Kanada kemi ardhur në 27 Tetor të vitit 1998 dhe jemi vendosur drejt e në Granby.

Info-Montreal: Z. Mehdi Isufi, ç’farë ju kujtohet në momentet e dhimbshme të largimit nga Kosova?

Mehdi Isufi: Sa herë që jam larguar nga Kosova kur kam dalë për tu larguar nga shtëpia kam dalë duke qarë. Më kujtohet një moment kur ishte një kohë shumë e egër në Kosovë, ka qenë koha kur minatorët hynë në tunele në grevë urie për të kërkuar të drejtat e tyre të njeriut. Ka qenë një kohë kur njeriu nuk mund të merrte as frymë lirisht në tokat e tij, unë isha duke u pregatitur për tu larguar në udhëtim drejt Zvicrës me autobusin që kalonte përmes Serbisë. Nëna e babai im po më ndihmonin për të pregatitur e marë bukën me vete, rreth një orë para me vëllain e vogël Hajrullahun e kemi marrë sharkinë edhe çiftelinë dhe kemi nisur të këndojmë një muzikë e cila ishte më shumë vaj se këngë të Mahmut Feratit e titulluar: 


O pampor tu këputshin telat

O ka dal nana në qosh të avllisë, 

o po i fshin lotët me skaj të shamisë, 

udha e mbarë o bir,

oh po shkon në kurbet të zi.

Unë e kam përjetuar shpeshherë kur luaj me sharkinë dhe këndoj disa këngë të rilindasve tanë dhe më duket sikur jam i ulur pranë tyre dhe shpirti më loton dhe e them se vaji i burrit është kënga.

Info-Montreal: Z. Mehdi, ju jeni i talentuar dhe shumë aktiv në jetën komunitare, si në Granby ashtu dhe në Montreal ju jo vetëm i pasuroni mbrëmjet festive me këngë nga folklori e duke i shoqëruar edhe zbukuruar me tingujt me çifteli, por ju jeni po aq shumë aktiv edhe këtë e bëni me shembullin në jetën tuaj me komunitetin Kanadez në Granby. Ç’farë mund të na thoni më tepër rreth integrimit tuaj në këtë drejtim?

Mehdi Isufi: Fillimisht shumë vite më parë kam ndihmuar me përkthime familjet shqiptare që erdhën në Kingston, fjalët që u kam thënë shqiptarëve të larguar nga lufta ishin, Kanadaja është vend i paqes dhe vendi i mundësive, i punës dhe ne duhet të jemi reflektor i së mirës, dhe jam krenar për bashkatdhetarët e mi që janë integruar më së miri. Një shëmbull ky për tu dalluar ndërmejt të gjitha komuniteteve të tjera gjithashtu. Për rrjedhojë do theksoja se jam personalisht pro integrimit, por kundra asimilimit. Të ruash gjuhën, folklorin është pasuri kulturore, po ta humbim atë s’na ngelet asgjë.

z. Mehdi Isufi e z. Pierre Breton deputet Sheford PL

Unë jo vetëm punoj për Bombardier BRP Vacourt (Produkte Rekreative) por jam edhe anëtar i Bordit të zonës Chefford për Partinë Liberale në postin e Administratorit të Mardhënieve Komunitare. Miqtë që veprojmë e bashkëpunojmë në këtë zonë janë z. Pierre Breton deputet i zonës Sheford P.L., znj. Eliette Jenneau, z. Jean François Poncelet, z. François Maheu dhe shumë të tjerë në ekipin tonë. 

Info-Montreal: Pas krizës së refugjatëve nga Siria për ndihmën e kontributin tuaj për Radio Canada ju keni dhënë edhe një intervistë.

Mehdi Isufi: Nuk besoj se banoj shumë larg nga Nënë Terreza dhe uji që kemi pirë na ka bërë tejet bujar (shprehet me humor). Më beso kur them se me popullin sirian nuk më lidh asgjë por kur i kam parë teksa largoheshin nga lufta mu kujtuan ngjarjet e Kosovës. 

Dhe ndihma ime ka qenë në akomodimin sa më të shpejtë e më të mirë të familjeve të larguara nga lufta, dhe ne që e kemi vuajtur e kuptojmë më mirë. Por nuk jam i vetëm këtu dua të përmend ndërmjet të tjerëve në veçanti njeriun që dha një kontribut të veçant për refugjatët sirian ai është miku Claude Couture. Pas daljes në Radio Canada për këtë çështje në ndihmë të tyre më janë afruar shumë miq Kanadez nga Kebeku.

Kur më kujtohet sa kemi vuajtur në vitet e eksodit ka qenë e vetmja periudhe e jetës që doktori me dha ilaçe ngaqë nuk jam ndiher mirë me shëndet. Për këtë në të ardhmen kam vendosur se apartamentet të cilat administroj në një bllok prej 18, ato që do të më lirohen deri në korrik do ti rezervoj dhe do të strehoj familjet e sapo ardhura siriane.

Info-Montreal: Ju së fundmi keni takuar edhe Kryeministrin e Kanadasë në vizitën që ai kreu para pak kohësh. Ç’farë mund të na thoni më tepër nga ky takim?

z. Mehdi Isufi gjatë takimit në Granby me Kryeministrin e Kanadasë z. Justin Trudeau.

Mehdi Isufi: Isha në atë takim edhe me dy miqtë shqiptarë të mitë nga Granby z. Xhevdet Lama dhe z. Nexhat Musa. Pasi u prezantova i përcolla falenderimet e mia nga komuniteti shqiptar në Granby, Montreal e rrethina në veçanti për kontributin që jepni në mbështetje të dy shteteve shqiptare Shqipërisë dhe Kosovës. Ne do të na keni mbështetje gjithmonë dhe e pash reagimin pozitiv por edhe të habitur në sy sepse nuk e priste por e shprehu kënaqësinë dhe e priti shumë mirë atë falenderim. 

Info-Montreal: Ç’farë ju ka ngelur merak, si dhe mesazhi juaj që dëshironi të përcillni në këto ditë festive me rastin e Pavarësisë së Kosovës?

Mehdi Isufi: Në jetë njeriu pak a shumë e di si shkon, por merak e kam dhe për këtë kam lënë edhe një testament, sepse njeriut vdekja i vjen papritur. Për këtë amaneti im është që ti bashkohem dheut të tokës Pellazgo-Ilire e që të jem i mbuluar me flamurin dy krenarësh, për atë flamur të cilin i kemi dalë para tytave të armëve.

Mesazhi im përveç urimit të Pavarësisë është që gjithkush të ndihmoj e promovojë shtetin më të ri atë të Kosovës. Edhe Kosova përkundër zërave kam besim se do ta ketë ushtrinë e saj si çdo shtet në botë. Ndërsa mesazhi tjetër i drejtohet shqiptarëve në Montreal le ti lëm ndasitë mënjanë e të festojmë në të ardhmen në një sofër sepse jemi nje popull antik i evropës. 

Në përfundim, e dua Kanadanë por marrë frymë me mushkritë e Kosovës. I uroj gjithë shqiptarëve Gëzuar Pavarësinë e Kosovës si dhe zoti i bekoftë shqiptarët kudo që janë.

Info-Montreal

E drejta e publikimeve rezervohet vetëm me lejen e autorit.

Copyright © 2017

info-Montreal: “Gruaja për Gruan” në mbështetje nga Shoqata e Gruas Shqiptare në Kanada

Në Toronto ditën e dielë më 29 Janar 2017 Shoqata e Gruas Shqiptare në Kanada (Albanian Canadian Women’s Association) zhvilloi një mbrëmje të titulluar “Gruaja për Gruan” me qëllim bamirësie.

Foto: Albanian Canadian Women’s Association

Zonja Remka Huruglica, Kryetare e Shoqatës së Gruas Shqiptare në Kanada informoi Info-Montreal se organizimi i një eventi të një niveli të këtillë nuk ishte aspak i lehtë, por me qëllimin e tij për grumbullimin e fondeve dhe për të ndihmuar gruan shqiptare me të ardhura të pamjaftueshme në Kosovë dhe Shqipëri u bashkuan shumë përfaqësues, që iu përgjigjën pozitivisht ftesës së saj. 


Zonja Huruglica në emër të Shoqatës së Gruas Shqiptare në Kanada dëshiron të falenderoj Z. Mark Jagg Politikan aktiv në mbështetje të grave, Z. Toni Sufaj Kryetari i “Shoqatës Shqiptare Vatra në Mississauga” në Provincën e Ontarios, Z. Rikard Shpori ish-Kryetari i “Bashkësisë Shqiptare të Kebekut në Montreal”, si dhe Z. Bes Ymeri Anëtar i Kryesisë së “Shoqatës së Bashkesisë Shqiptaro-Kanadeze” në Toronto, dhe shumë mbështetës të tjerë.


Të ftuarit u njohën gjithashtu me ekipin drejtues si dhe me disa nga projektet kryesore të kësaj Shoqate si dhe me punën e palodshme të zhvilluar deri më sot, duke u gjendur pranë grave që janë në nevojë.


Në nder të të ftuarve u organizua një mbrëmje e cila vazhdoi deri në orët e para të mëngjesit, të shoqëruar nga tingujt e muzikës shqiptare. Të ftuarit shijuan muzikë nga Grupi Djemtë e Torontos (Toronto Boys) me këngëtarët Z. Lorenzo Dushi e Z. Sami Pacolli, të shoqëruar nga muzikantët Z. Shkëlqim Tafaji dhe Z. Gazmir Topciu.


Pjesëmarësit e pranishëm shijuan mbrëmjen, vallëzuan e kënduan së bashku, nuk munguan as duartrokitjet dhe fotografitë e shumta të përbashkëta për ti ruajtur si kujtime të veçanta. 


Info-Montreal

E drejta e publikimeve rezervohet vetëm me lejen e autorit.

Copyright © 2017

info-Montreal: Aurel Zaloshnja Agjenti Imobiliar që theu rezultatet në Montreal

Info-Montreal: Sot ndodhemi në zyrat e Century 21 në Montreal dhe kemi të ftuar për një intervist Agjentin Imobiliar të Miratuar, Z. Aurel Zaloshnja. Në këtë intervistë së pari, do t’ju bëjmë një prezantim të eksperiencës profesionale të tij. Së dyti, do të flasim për lajmin dhe domethënien e çmimit të fituar nga Century 21, si dhe së fundmi do t’ju informojmë me disa këshilla të domosdoshme përpara shitjes apo blerjes së një prone.  

Foto: Zyrat e Century 21 në Montreal

Info-Montreal: Z. Zaloshnja, për atë pjesë të komunitetit që nuk ju njohin, prej sa vitesh ndodheni në Montreal? 

Aurel Zaloshnja: Ermir, në radhë të parë faleminderit për mundësinë e kësaj interviste. Prej dy dekadash banoj në Montreal, Kanada. Jemi larguar me familjen nga Shqipëria në vitin 1997 dhe kuptohet që prej asaj kohe jetojmë në Montreal.

Info-Montreal: A mundet të na prezantoni Z. Zaloshnja pak më në detaj, me edukimin dhe eksperiencën tuaj në fushën e imobiliareve, pra për interesin profesional tuajin në tregun e Real Estate?

Aurel Zaloshnja: Kuptohet, që prej emigrimit në Montreal në moshën 23 vjeçare studimet e përgjithshme i kam vijuar më tej këtu, gjithashtu kam ndjekur formimin profesional të cilin e kam përfunduar në Kanada. Më saktë, në 2005 kam kryer fillimisht Programin si Agjent Imobiliar në “Kolegjin Lasalle”dhe po atë vit kam filluar punë në zyrat e Royal LePage Anne Shears Aliance. Gjithashtu për tu zhvilluar profesionalisht më tej në 2008 kam përfunduar Programin e Agjentit të Mirtatuar (Agent Immobiliere Agrée) në “Kolegjin e Imobiliareve të Kebekut” me specialitet në të Drejtën e Imobiliareve II, Menaxhim Pronash të Patundshme, si dhe në vlerësimin e Ndërtesave me të Ardhura.

Ndërsa për sa i përket eksperiencës, duke ardhur personalisht njëkohësisht nga fusha e administrimit të pronave tona familjare për qëllime të ndryshme si për shembull restorante apo për qëllim banimi apo më tej për lënie me qera për të krijuar të ardhura, kuptoj më së miri pozicionin e pronarit apo të investitorit. Kjo më jep gjithashtu një vlerë të shtuar dhe më plotëson më mirë profesionalisht në këshillim më të mirë ndaj klientëve të ndryshëm, sepse kam kaluar personalisht nga pozicioni i tyre. 

Info-Montreal: Pra, Z. Zaloshnja ju zotëroni gjithashtu eksperiencë personale në Administrimin e Pronave për qëllime të ndryshme?

Aurel Zaloshnja: Po Ermir, kam kaluar nga rruga e të qënit administrues dhe investitor restorantesh e godinash banimi që lihen me qera, si dhe jam përballur edhe me problematikën që vjen me të. Kjo eksperience më ka ndihmuar të kuptoj më drejtë vlerësimin për shitjen-blerjen e kësaj kategorie. sepse kam analizuar raportin e të ardhurave dhe shpenzimeve financiare. 

Por jo vetëm, njëkohësisht kam qenë prezent në tregun e patundshmërisë si agjent imobilier qe prej vitit 2005 dhe vitet e fundit punoj për Century 21 Immo–Plus një Korporatë kjo që zhvillon biznesin në gjithë botën dhe ka blerës për tregun e Montrealit që hyjnë nëpërmjet faqes së internetit nga çdo vend i botës dhe së fundmi kam pasur për shembull transaksione te mbyllura me blerës nga Franca e Kina.

Gjithashtu për ç’do blerës ne disponojmë një program kompjuterik për informimin e tij sa më të shpejtë dhe të personalizuar mbi ç’farë do lloj prone që del në shitje në bazë të kritereve të paravendosura nga të interesuarit për blerje, si për shembull, numrin e dhomave, katin, zonën etj.

Foto: Z.Aurel Zaloshnja Agjent Imobiliar i Miratuar

Info-Montreal: Z. Zaloshnja duke ju uruar për çmimin për rezultate të shkëlqyera për tremujorin e tretë të vitit 2016. Ne ndodhemi pikërisht këtu në zyrat e Century 21 në qendër të Montrealit, për informimin e komunitetit mbi këtë çmim, mund t’a shpjegoni më me detaj se ç’farë domethënie ka për ju? 

Aurel Zaloshnja: Century 21, realizon një raport rezultatesh në bazë tre-mujori dhe me mbylljen e vitit ajo shpall Agjentët Imobiliar me performancën më të mirë në bazë të një analize të rezultateve më të mira të punës. Kjo do të thotë që për tre-mujorin e tretë ndërmjet 56 agjentëve imobiliar të komuniteteve të ndryshme në bazë të një performance krahasimore rezultatet që disponoj për periudhën Korrik-Gusht-Shtator të vitit 2016 kanë qenë më të mirat ndërmjet të tjerëve.


Info-Montreal: Cilat janë kategoritë që ju trajtoni, dhe ndonjë këshillë tuajën ç’farë duhet pasur parasysh nga blerësi apo shitësi?

Aurel Zaloshnja: Pra ne trajtojmë tre kategori pronash, e para Ndërtesa Rezidenciale (Shtëpi private ose apartamente), e dyta Ndërtesa Komerciale dhe e treta Ndërtesa për të Ardhura. Një nga gjerat që duhet patur më shumë kujdes është ana ligjore e mbushjes së dokumentacioneve qoftë ajo për shitjen apo blerjen e ç’do lloj ndërtese që blerësi ose shitësi të mos gjenden përpara ligjit sepse aty kostoja është shumë e lartë.

Një këshillë tjetër që duhet marrë parasysh është që në Real Estate fitimi është kur kryen një blerje të zgjuar, duke e parë nga vendodhja, kostoja e marzhi i fitimit që prodhon objekti. Pra me tepër duhet pasur më kujdes në blerje për rrjedhojë shitja është më e lehtë dhe më fitimpruëse.

Këshilla e dytë faktorët përbërës të ndërtesës, gjendja e tyre. Një shembull i një blerjeje të pakëshilluar rezultoi në blerjen e një prone me themele të thyera që rezultoi në një keq investim sepse kostoja e riparimit të themeleve ishte shumë më e lartë se sa e kishte parashikuar blerësi. Apo mosmarrja parasysh se në dy vitet e ardhshme prona ka nevoj për një investim të domosdoshëm në rinovimin e çative apo dyshemesë apo probleme të tjera. Për këtë ne bashkëpunojmë me inspektorë të specializuar që të evitojmë kostot e paparashikueshme. Por aty ku i shoh problemet e informoj blerësin sepse kam eksperiencë nga inspektime në ndërtesa të njëjta që ai të shpëtoj koston e një inspektimi. Por gjithashtu njohim edhe vlerat e tregut në varësi të zonës. Që blerja mos të jetë e mbliverësuar apo shitja mos të jetë e nënvlerësuar. Por ç’do rast ka specifikat e tij.

Foto: Z. Aurel Zaloshnja dhe Z. Ermir Dardha

Info-Montreal: Ju falënderoj përsonalisht për intervisten dhe për pritjen. Dhe gjithashtu dëshirojmë të ndajmë kontaktet tuaja për të interesuarit. 

Aurel Zaloshnja: Edhe unë të falënderoj, Ermir, gjithashtu ju uroj suksese në punën tuaj për informinin e komunitetit shqiptar, në Kanada dhe kudo me tema shumë të rëndësishme. Po ju jap bashkangjitur gjithashtu kontaktet si vijon, adresën si dhe faqen e internetit: 

 Kliko për tu drejtuar tek faqja e internetit: www.century21.ca/a.zaloshnja

Info-Montreal

E drejta e publikimeve rezervohet vetëm me lejen e autorit.

Copyright © 2017

info-Montreal: Olen Cesari performed for Italian Canadian Community

The long journey of Olen started with the amazing concert on Canergie Hall on December 6th, where he performed with the great talents, in front of 2800 guests. The energy and emotions transmitted by the violin of Olen Cesari made the public stand up and clapping loudly to ask for more performances from this great talent. 

Photo: Olen Cesari, Michel Rodi & Lavinia Mancusi

Olen Cesari, performed last night December 14 at Casa Italia, on a private concert. The Casa Italia is a 120 years old hitorical building located in corner Jean Talon, Montreal. 

The guests invited at this special event were Italian Embassy and great public from the Italian-Canadian Community.

The performance of Olen Cesari started with: 

Italian pieces called – Anima e Cuore. than continued with Argentina piece – Called Libertango.

The Albanian love song modified with the music from north and middle of Albanian folk alternated with “Moj e bukura More” which electrified the public. 


Olen also performed the songs from the region of Napoli. These songs were performed with lots of love and emotion from the magic lips of Lavinia Mancusi

Other performance at the concert was – Hava Nagila, the most famous Juives song, the public lived these moments with Olen and they clapped and gave standing ovations non stop.

The talented Michael Rodi was loved by the public, with his playful hands on the piano and many expressions in his face. 

While expressing his emotions of this beautiful music which literally broke down the piano. 


For more amazing pieces by Olen Cesari, Michel Rodi & Lavinia Mancusi, we will welcome you tonight at L’Entrepot, Lachine 19:30.

info-Montreal

Canada, 15 December 2016

The right to publish is reserved with the permition of the author.

Copyright © 2016