Trudeau dhe Trump diskutojnë përshpejtimin e bisedimeve të NAFTA-s në takimin në G7

Marrëveshja e tregtisë së lirë të Amerikës së Veriut ishte tema e bisedimeve në Charlevoix ndërmjet Kryeministrit Trudeau dhe Presidentit Trump.

Trudeau u shpreh: – “Një mundësi për të diskutuar një numër të madh çështjesh si, tregëtia, përkushtimi ndaj botës duke punuar së bashku për të krijuar vënde pune për njerëzit në të dy krahët e kufirit, të dy jemi zgjedhur dhe jemi përkushtuar për të rritur shtresën e mesme, ti ndihmojmë ata që punojnë fort ti bashkohen. Këto janë saktësisht çështjet që jemi fokusuar.”

Trump u shpreh: – “Justin ka vendosur të heqë gjithë tarifat pengesat për tregëtinë midis Kanadasë dhe SHBA (me humor) kështu që jam i lumtur.

Trudeau u shpreh: – “Kështu që NAFTA ështe në formën e saj të mirë.”

Trump u shpreh: “Ne aktualisht jemi duke punuar për të hequr tarifat për të dyja vendet, kemi bër shumë progres, por do të shohim si do ecin gjërat në vazhdim. Ka mundësi që NAFTA mund të ketë një form ndryshe, me Kanadanë, me Meksikën, marveshje një nga një më të lehta dhe më të thjeshta, më e mirë kjo për të dyja vendet. Këto i kemi në diskutim, mardhëniet janë më të mira se më parë dhe më përfituese se më parë, si për Kanadanë dhe Shtetet e Bashkuara.

Advertisements

Një vajzë e re Shqiptare – Kanadeze që ja vlen ta vlerësosh.

Para pak ditësh Darena Muça është shpallur kampione sportive për Kanadanë në kategorinë e bukurisë trupore (bikini fitness), dhe vlerësohet akademikisht me titullin Ambasadore e Universitetit të Concordias për programin Co Op.

Për të mësuar më tepër sekretin e suksesit mbi këto ndërthurje të veçanta arritjesh si në sport dhe në fushën ku ajo studion, ne biseduam me të për të mësuar diçka më tepër mbi origjinën, arritjet dhe planet për të ardhmen.

Foto: Skuadra Ludachris

Darena ka lindur në Tiranë dhe ka emigruar në Kanada në moshën 6 vjeçare prej 16 vitesh jeton në Montreal me dy prindërit dhe vëllain e saj më të vogël. Ajo na tregon se që në shkollën fillore ishte lidhur shumë me sportet e notit dhe kërcimit ndërsa më vonë ka vijuar paralelisht jetën e larmishme në aktivitete akademike. Ajo ka fituar gjithashtu tituj nderi dhe është bërë këshilluese në disa programe universitare.

Foto: Darena Muça, Honours Shkenca Politike – Co Op, Universiteti i Concordia-s

Sot Darena është 22 vjeçe dhe shumë e apasionuar pas sportit te bukurise trupore, bodybuilding, ajo ka ditur të shkrij në një, elegancen femërore me bukurinë e muskujve. Darena na tregon me modesti se e ndoqi këtë sport me qëllimin e kombinimit të një trupi perfekt me një mëndje të shendetshme, te cilin e ka realizuar me një dietë dhe stërvitje jashtëzakonisht të vështirë që kërkon shumë disipline, dedikim dhe durim.

Udhetimi i saj na tregon se kjo arritje ka ardhur gradualisht me punë e vullnet. Një pjesë e mirë e komunitetit shqiptar e njeh si Miss për shkak të një kompeticioni te disa viteve më parë. Më tej ajo mori pjesë në garën e bikini fitness në vitin 2017, ku iu deshën 5 muaj përgatitje për shfaqjen natyrale në rang province “Andre Maille” në Gatineau, ku ajo zuri vendin e katërt. Kjo renditje e motivoi të stërvitej më shumë në muajt në vijim për kampionatin në rang province. Darena na tregon se vazhdoi të stërvitej me trainer personal ndërkohë që filloi paralelisht të punojë për Qeverine Federale nën një program special të Universitetit. Gjatë gjithë kohës ajo shprehet se kishte mbështetjen totale të familjes së saj që arritën të mësoheshin me regjimin dhe stilin e saj të ri të jetës. Duke i dhënë të njëjtën rëndësi si sportit dhe studimeve ajo u shpall një ndër 10 studentet më të mirë te programit’’ Spark’’ ajo fitoi një bursë për vitin e ri shkollor.

Foto: Darena Muça gjatë konkurimit (Niveli Provinca e Kebekut)

Në 28 prill 2018, ajo garoi në LaPrairie, në kampionatin natyral të Kebekut në Bikini Klasa B për të Rinjtë (për moshat 17 deri 23 vjeç) dhe Bikini për të gjitha moshat ku fitoi 3 vende të para dhe një vend te 2 të.

Tre javë më pas në 18 Maj, Darena përfaqësoi Provincën e Kebekut në nivel Kombëtar dhe fitoi vendin e parë në Bikini Klasa G, duke u përzgjedhur kështu Kampione Kombëtare dhe duke u kualifikuar për të përfaqësuar Skuadrën e Kanadasë në Kampionatin Botëror në Poloni 2018.

Foto: Darena Muça, trajnerët së bashku me kampionet e kategorive të tjera (Niveli Kanada)

Për Darenën, konkurimi në Bikini Fitness është një sfidë mendore dhe fizike që e forcoi totalisht. Ajo beson se pasioni, studimet dhe puna mund të kombinohen më së miri dhe kjo e argumentuar me arritjet e saja në sport dhe të fitimit të bursës shkollore. E rëndësishme për të është krijimi i balances midis mendjes dhe trupit e shprehur ne moton  e saj: “Disiplina është të zgjedhesh  midis ç’farë dëshiron tani dhe ç’farë dëshiron më shumë”.

Ajo shprehet krenare se kudo që prezantohet në konkurimet sportive apo në ambjentet universitare se është Shqiptare-Kanadeze. Planet e saja për të ardhmen janë, së shpejti ajo po pregatitet të konkurojë në Kampionatin Botëror të Polonisë 2018 në fushën e sportit dhe të kurorëzojë më tej studimet me një Master dhe Doktoraturë në fushën e saj akademike.

Ermir Dardha

Montreal, Kanada

E drejta e publikimeve rezervohet vetëm me lejen e autorit.

Copyright © 2018

Kurora e Skënderbeut

Të fshehtat e Përkrenares dhe diplomacia e Gjergj Kastriot Skënderbeut! Përmbledhur nga Ermir Dardha

20140304-103147 pm.jpg
Foto Përkrenarja e Skënderbeut

Përkrenarja e Skënderbeut përcjell mesazhe të veçanta së bashku me figurën e Skëndërbeut. Ajo do të thotë shumë, prandaj shumë studiues të ndryshëm janë marrë me studimin e saj.

Gjergj Kastriot Skënderbeu ishte më i vogli nga fëmijët e Gjon Kastriotit, ai lindi në vitin 1405 dhe kishte edhe tre vëllezër më të mëdhenj dhe pesë motra.

Dr. Musa Ahmeti, studiues në Arkivat Sekrete të Vatikanit, shprehet se vetëm Gjergj Kastrioti u morë peng në moshën nëntë vjeçare nga Sulltani Murati i II-të për të mbajtur nën kontroll Gjon Kastriotin të atin. Sipas fakteve historianët shprehen se ka elementë që mitizojnë Skënderbeun në historinë e shkruajtur nga Marlin Barleti. Por në këtë shkrim do të merremi me faktet më tepër se me mitet.

Sulltani ja ndryshoi emrin nga Gjergj në Iskander që do të thot Aleksandër. Me fjalë të tjera ky ishte një pranim i lidhjes së origjinës dhe etnisë së Gjergj Kastriotit me Aleksandrin e Madh. Si dhe aftësive drejtuese të tij në luftë te përkryera si ato të Aleksandrit. Atij iu dha më pas edhe titulli Sanxhakbej nga Sulltani për këto aftësi që ai zotëronte. Por nga shqiptarët shqiptimi i emrit do të ngelej Skënderbe.

Ky është elementi i parë dhe i rëndësishëm bashkues ndërmjet emrit të Aleksandrit dhe Skënderbeut. Kenneth Walters Profesor i Klasikëve Grekë dhe Latin në Universitetin Shtetëror të Wayne-it, shprehet se në venat e Aleksandrit rridhte gjak ilir. E ëma e Aleksandrit quhej Olimpias (Sipas mitit për të djali ishte i saj edhe i Zeusit gjysëm hyjnor). Nëse e shohim në këtë këndvështrim shprehet Profesor Walters, Aleksandri nuk ishte Maqedonas por Ilir.

Studiuesja Italiane Lucia Nadin gjithashtu shprehet për një zbulim që ka bërë në “Statutet e Komunës së Shkodrës” në Muzeun Correr të Venedikut, të testamentit të Aleksandrit të Madh drejtuar popullit të lashtë të Shkodrës si lëshimet që ai i bëri atyre, sepse ishin të të njëjtës origjinë, asaj ilire.

Pra pikë së pari Skënderbeu kishte një lidhje në kuptimin e emrit dhe dy në origjinë me Aleksandrin e Madh.

Sipas Jahja Drancollit Profesor i Historisë në Universitetin e Prishtinës, Skënderbeu shkoi në Turqi kur ishte i rritur dhe moshë më të pjekur.

E treta Skënderbeu ishte një diplomat i shkëlqyer. Në vitin 1443 Skenderbeu kishte vendosur lidhje me perëndimin Dr. Musa Ahmeti, studiues në Arkivat Sekrete të Vatikanit, shprehet se ekziston letra e parë ku Skënderbeu ftohet të luftojë kundër osmanëve. Kur ai akoma ishte drejtues i larte i ushtrisë osmane.

Dr. Isa Blumi i Universitetit të Nju York-ut, SHBA. Shpjegon që Skëndërbeu kur u shkëput nga ushtria osmane kishte trupa shqipfolëse rreth vetes. Një karakteristik e udhëheqësve osman që të bënin pjesë në të njëjtin grup linguistik.

Në 28 Nëntor 1443 Skënderbeu ngriti famurin, dhe bëri thirrjen e lirisë për herë të parë popullit dhe princave shqiptarē.

Skënderbeu është ai shqiptar që arriti të bashkoj Princat shqiptar në Lidhjen e Lezhës në 2 Mars 1444. Dr. David Nicolle nga Universiteti i Nottingham-it, shprehet se Skënderbeu i dha shqiptarëve të asaj kohe mundësinë e ruajtjes së territoreve, identitetit, besimin, lirinë dhe mënyrën e jetesës.
“Shqiptarët e shekullit të XV ishin ndryshe nga popujt e tjerë ata ishin të lirë”

20140304-103300 pm.jpg
Foto brenda Kalasë së Krujës

Skënderbeu ishte ndër të tjera një diplomat dhe lider i shkëlqyer, ai bashkoi Princat shqiptar dhe krijoi aleanca si dhe arriti të negocionte edhe paqe kur ishte e domosdoshme.

Diplomati më i talentuar ishte Pal Engjelli, Arqipeshkvi i Durrësit njohës i shkëlqyer i periudhës së rilindjes të Napolit, Romës, Milanos dhe njohës i Venecias. Në 20 Gusht 1463 Venediku dhe Skënderbeu nënshkruan një aleancë.

Profesori Oliver Schmitt i Historisë së Evropës Jug-Lindore në Universitetin e Vjenës shprehet se ajo që kërkoi Skënderbeu ishte Kurorora. Kurorëzimi si Mbret i Shqipërisë dhe i Epirit, ndërsa Pal Ëngjëlli do të bëhej Kardinali i shqiptarëve. Profesor Schmitt shprehet se ishte ky i fundit ai që porositi, krijoi dhe ideoi imazhin e helmetës së Skënderbeut si imazhin e Aleksandrit të ri, të një principate të pavarur.

Përkrenarja e famshme që ruhet sot në Muzeun e Vjenës (ishte Kurora e Skënderbeut e projektuar nga Pal Ëngjëlli)

Profesori Oliver Schmitt i Historisë së Evropës Jug-Lindore në Universitetin e Vjenës shprehet kjo përkrenare është kopje e përkrenares së Aleksandrit të Madh.

Ndërsa Kenneth Walters Profesor i Klasikëve Grekë dhe Latin në Universitetin Shtetëror të Wayne-it shpjegon se sipas tij para-ardhësja e përkrenares së Skënderbeut është ajo e Pirros së Epirit. Nëpërmjet transmetimit të kulturës Epiriote-Ilire. (Ku vizualizohen brirët)

Zbulimi u krye vetëm kohët e fundit duke pasur si material prove pikërisht këtë përkrenare, shprehet Profesori Schmitt, zbulimi u bë nga Profesor Franka nga Gjermania si dhe këto të dhëna kombinojnë me disa dokumente nga Arkivat e Milanos. Që tregojnë Arkipeshkvin e Durrësit në Milano në vitin 1464, ku Duka i Milanos Françesko Sforca i dhuroi shumë pjesë armaturash dhe armë si dhe mendohet të ketë qenë edhe përkrenarja e cila daton të jetë porositur më parë që nga viti 1460. Kjo konfirmohet edhe nga Historianet e Artit përfundon Profesor Schmitt.

20140304-103437 pm.jpg
Foto mbishkrimi në Përkrenare.

Më tej briret janë jo vetëm analogji nga helmeta e Pirros së Epirit një tjetër ilir strateg në drejtimin e luftrave, por edhe elementi i kokës së dhisë me brirë daton para erës sonë, dmth një element i periudhës së para-krishtit na shpjegon Profesor Walters.

Më tej, shkrimi në Përkrenare përkthehet “Jezusi i Nazarretit bekon Princin e Matit, Mbretin e Shqiptarëve, terrorin e Turqve dhe Mbretin e Epirit. Gërmat inicialet në latinisht ose Italisht nëse bashkohen shqiptohen
“Im-pe-ra-to-re” shpjegon Prof Walters. Ajo ka shume kuptime si Gjeneral Suprem, Udhëheqës apo Perandor. Pra ajo që mahnit profesorin është lidhja e përkrenares me precedentët dhe antikitetin ilir dhe mbishkrimet kuptim plota.

Historia na tregon se Papa Piu II nuk e kurorezoi dot Skënderbeun sepse ai vdiq në Ankona në 14 Gusht të vitit 1464.

Por Skënderbeu ngelet figura më e vlerësuar tek miqtë apo kundërshtarët e asaj kohe. Gjithashtu edhe sot emri i tij do të bashkojë shqiptarët në të gjithë dimesionet, kudo që ata ndodhen.

Ermir Dardha
02.03.2014
(Publikuar me rastin e Lidhjes së Princave Shqiptar)

Publikuar:

Tribuna Shqiptare, Montreal, Kanada, 05.03.2014

Illyria, Nju Jork, SHBA, 05.03.2014

77 NEWS, Tirana, Shqipëri, 06.03.2014

E drejta e publikimeve rezervohet vetëm me lejen e autorit.

Copyright © 2014

Welcome to Ermir Dardha’s Blog

Peer its a friendly website that will help my friends, associates and visitors of this page:

In my following fields of interest you may find information on Business, Banking, Finance, Management, Marketing, International Relations, Political Sciences, Public Relations, Advertisment and Accademic studies and lecturing. Special interests Design and Photography.