Tarifat Amerikane të Çelikut dhe Aluminit vs. Tarifat Kanadeze të produkteve të Qumështit

Ekonomia e shkallës është një nga leksionet që u mësohet brezave të rinj ku çdo shtet specializohet në produkte vendase primare. Ku në rajon prodhon me çmimin më të lirë për njësi dhe e këmben këtë me një produkt të shtetit tjeter me një çmim për njësi më të lirë sesa ta vetë-prodhonte duke çuar kështu në specializimin e industrializimin e vendeve të ndryshme me produkte të ndryshme.

Referuar statistikave të viteve të fundit bitumi është produkti më i eksportuar nga Kanada-ja drejt SHBA-së, dhe automjetet jane produkti më i eksportuar nga SHBA drejt Kanadasë.

Të dhënat e SHBA-së raportojnë një deficit të mallrave prej 17.5 miliardë dollarësh me Kanada-në në vitin 2017 dhe një deficit prej 71.1 miliardë dollarësh me Meksikën. Të dy vendet, megjithatë, raportuan suficite të konsiderueshme më të mëdha të SHBA-së në të njëjtën marrëdhënie. Në vitin 2017, Kanadaja raportoi një suficit prej 97.7 miliardë dollarësh dhe Meksika një suficit prej 132.4 miliardë dollarësh.

(Referuar Statistikave të Tregëtisë Amerikë-Kanada https://ustr.gov/countries-regions/americas/canada)

Kategoritë e eksportit të lartë amerikan në vitin 2017 ishin: automjetet (51 miliardë dollarë), makineritë (42 miliardë dollarë), makineritë elektrike (25 miliardë dollarë), karburantet minerale (19 miliardë dollarë) dhe plastikat (13 miliardë dollarë).

Eksportet e përgjithshme amerikane të produkteve bujqësore në Kanada arritën në 24 miliard dollarë në 2017, tregun më të madh të eksporteve bujqësore. Kategoritë kryesore të eksportit përfshijnë: ushqime të përgatitura (1.9 miliardë dollarë), perime të freskëta (1.9 miliardë dollarë), fruta të freskëta ($ 1.6 miliardë), ushqime të lehta ushqimore (1.3 miliardë dollarë) dhe pije jo alkoolike. (p.sh. lëngje) ($ 1.1 miliard).

Eksportet e përgjithshme Kanadeze, apo në SHBA kategoria e lartë e importit në vitin 2017 ishte: lëndë djegëse minerale (73 miliardë dollarë), automjete (56 miliardë dollarë), makineri (21 miliardë dollarë), të tjera speciale (kthime) (14 miliardë dollarë), dhe plastikë (11 miliardë dollarë).

Në takimin e fundit ndërmjet liderëve të G7 bëri më shumë përshtypje në media mardhënia ndërmjet Presidentit Trump dhe Kryeministrit Trudeau. Gjetja e pikave të përbashkëta për të çuar NAFTA-n përpara (North Atlantic Free Trade Agreement – Tregetia e Lire e Atlantikut te Veriut tripoli Meksike, SHBA, Kanada).

Javë më parë SHBA vendosi tarifa mbi çelikun dhe aluminin, gjë që prishi balancat ekonomike botërore por më fort preku Kanadanë. Specialistët shprehen se kjo tarifë do të ndikojë minimalisht 20% mbi çmimin e një automjeti ku për shembull një automjet që kushton sot 30000 dollar nesër do të kushtojë 36000 dollar.

Tarifat doganore kanadeze për produktet e qumështit amerikane ishin kundra-argumenti nga Shtëpia e Bardhe, ato shkojnë deri në 270%. Më kujtohet si sot konferenca në UdeM e Prill 2015 mbajtur nga ish-kryeministri i 24 i Kebekut Z. Pierre Marc Johnson anëtar nderi i dekanatit të Universitetit të Montrealit dhe Negociatori Kryesor i Kebekut për mardhënien ekonomike, komerciale Kanada-Bashkim Europian. Qëndroi gjatë të shpjegonte sistemin e zinxhirit të furnizimit të gjithë produkteve e nën-produkteve të qumështit në Kanada. Çmimi i tyre vendoset nga rrjeti i prodhuesve kuptohet më i lartë se tregu botëror dhe është i pa-subvencionuar nga shteti (federal apo provincial), tarifa doganore në Kanada për këto produkte është në mbrojtje të prodhuesve Kanadez.

Pra dy pika për tu mbajtur mend janë se Kanadaja ka sistemin jo të subvencionuar për produktet agro-bujqësore (përfshi këtu produktet e qumështit) dhe çmimi nuk konkuron apo s’është njësoj si vendet e subvencionuara nëse konkuron në NAFTA apo në tregun botëror, çmimet e saj janë shumë herë më të shtrenjta.

Vendimet që do të merren nga palët në vijim shpresoj të shmangin tarifa hakmarrese që dëmtojnë të dyja vendet aleate, të marrin drejtimin e përfitimit për të dyja vendet dhe jo të humbjeve të vëndeve të punës si në kryesisht në industritë prodhuese të automjeteve në Ontario, Kanada si në Detroit, SHBA.

Marrëveshjet e rinegociueshme çdo pesë vjet e disa ngërçe të tjera nga tarifat, tregjet financiare reaguan negativisht si në bursën amerikane dhe kanadeze si dhe një shvlerësim i dollarit kanadez u ndie ditën e hënë një ditë pas mbylljes së G7, në tregun e këmbimit të vlerave monetare.

Ermir Dardha

E drejta e publikimeve rezervohet vetëm me lejen e autorit.

Copyright © 2018

Advertisements

Trudeau dhe Trump diskutojnë përshpejtimin e bisedimeve të NAFTA-s në takimin në G7

Marrëveshja e tregtisë së lirë të Amerikës së Veriut ishte tema e bisedimeve në Charlevoix ndërmjet Kryeministrit Trudeau dhe Presidentit Trump.

Trudeau u shpreh: – “Një mundësi për të diskutuar një numër të madh çështjesh si, tregëtia, përkushtimi ndaj botës duke punuar së bashku për të krijuar vënde pune për njerëzit në të dy krahët e kufirit, të dy jemi zgjedhur dhe jemi përkushtuar për të rritur shtresën e mesme, ti ndihmojmë ata që punojnë fort ti bashkohen. Këto janë saktësisht çështjet që jemi fokusuar.”

Trump u shpreh: – “Justin ka vendosur të heqë gjithë tarifat pengesat për tregëtinë midis Kanadasë dhe SHBA (me humor) kështu që jam i lumtur.

Trudeau u shpreh: – “Kështu që NAFTA ështe në formën e saj të mirë.”

Trump u shpreh: “Ne aktualisht jemi duke punuar për të hequr tarifat për të dyja vendet, kemi bër shumë progres, por do të shohim si do ecin gjërat në vazhdim. Ka mundësi që NAFTA mund të ketë një form ndryshe, me Kanadanë, me Meksikën, marveshje një nga një më të lehta dhe më të thjeshta, më e mirë kjo për të dyja vendet. Këto i kemi në diskutim, mardhëniet janë më të mira se më parë dhe më përfituese se më parë, si për Kanadanë dhe Shtetet e Bashkuara.

Një vajzë e re Shqiptare – Kanadeze që ja vlen ta vlerësosh.

Para pak ditësh Darena Muça është shpallur kampione sportive për Kanadanë në kategorinë e bukurisë trupore (bikini fitness), dhe vlerësohet akademikisht me titullin Ambasadore e Universitetit të Concordias për programin Co Op.

Për të mësuar më tepër sekretin e suksesit mbi këto ndërthurje të veçanta arritjesh si në sport dhe në fushën ku ajo studion, ne biseduam me të për të mësuar diçka më tepër mbi origjinën, arritjet dhe planet për të ardhmen.

Foto: Skuadra Ludachris

Darena ka lindur në Tiranë dhe ka emigruar në Kanada në moshën 6 vjeçare prej 16 vitesh jeton në Montreal me dy prindërit dhe vëllain e saj më të vogël. Ajo na tregon se që në shkollën fillore ishte lidhur shumë me sportet e notit dhe kërcimit ndërsa më vonë ka vijuar paralelisht jetën e larmishme në aktivitete akademike. Ajo ka fituar gjithashtu tituj nderi dhe është bërë këshilluese në disa programe universitare.

Foto: Darena Muça, Honours Shkenca Politike – Co Op, Universiteti i Concordia-s

Sot Darena është 22 vjeçe dhe shumë e apasionuar pas sportit te bukurise trupore, bodybuilding, ajo ka ditur të shkrij në një, elegancen femërore me bukurinë e muskujve. Darena na tregon me modesti se e ndoqi këtë sport me qëllimin e kombinimit të një trupi perfekt me një mëndje të shendetshme, te cilin e ka realizuar me një dietë dhe stërvitje jashtëzakonisht të vështirë që kërkon shumë disipline, dedikim dhe durim.

Udhetimi i saj na tregon se kjo arritje ka ardhur gradualisht me punë e vullnet. Një pjesë e mirë e komunitetit shqiptar e njeh si Miss për shkak të një kompeticioni te disa viteve më parë. Më tej ajo mori pjesë në garën e bikini fitness në vitin 2017, ku iu deshën 5 muaj përgatitje për shfaqjen natyrale në rang province “Andre Maille” në Gatineau, ku ajo zuri vendin e katërt. Kjo renditje e motivoi të stërvitej më shumë në muajt në vijim për kampionatin në rang province. Darena na tregon se vazhdoi të stërvitej me trainer personal ndërkohë që filloi paralelisht të punojë për Qeverine Federale nën një program special të Universitetit. Gjatë gjithë kohës ajo shprehet se kishte mbështetjen totale të familjes së saj që arritën të mësoheshin me regjimin dhe stilin e saj të ri të jetës. Duke i dhënë të njëjtën rëndësi si sportit dhe studimeve ajo u shpall një ndër 10 studentet më të mirë te programit’’ Spark’’ ajo fitoi një bursë për vitin e ri shkollor.

Foto: Darena Muça gjatë konkurimit (Niveli Provinca e Kebekut)

Në 28 prill 2018, ajo garoi në LaPrairie, në kampionatin natyral të Kebekut në Bikini Klasa B për të Rinjtë (për moshat 17 deri 23 vjeç) dhe Bikini për të gjitha moshat ku fitoi 3 vende të para dhe një vend te 2 të.

Tre javë më pas në 18 Maj, Darena përfaqësoi Provincën e Kebekut në nivel Kombëtar dhe fitoi vendin e parë në Bikini Klasa G, duke u përzgjedhur kështu Kampione Kombëtare dhe duke u kualifikuar për të përfaqësuar Skuadrën e Kanadasë në Kampionatin Botëror në Poloni 2018.

Foto: Darena Muça, trajnerët së bashku me kampionet e kategorive të tjera (Niveli Kanada)

Për Darenën, konkurimi në Bikini Fitness është një sfidë mendore dhe fizike që e forcoi totalisht. Ajo beson se pasioni, studimet dhe puna mund të kombinohen më së miri dhe kjo e argumentuar me arritjet e saja në sport dhe të fitimit të bursës shkollore. E rëndësishme për të është krijimi i balances midis mendjes dhe trupit e shprehur ne moton  e saj: “Disiplina është të zgjedhesh  midis ç’farë dëshiron tani dhe ç’farë dëshiron më shumë”.

Ajo shprehet krenare se kudo që prezantohet në konkurimet sportive apo në ambjentet universitare se është Shqiptare-Kanadeze. Planet e saja për të ardhmen janë, së shpejti ajo po pregatitet të konkurojë në Kampionatin Botëror të Polonisë 2018 në fushën e sportit dhe të kurorëzojë më tej studimet me një Master dhe Doktoraturë në fushën e saj akademike.

Ermir Dardha

Montreal, Kanada

E drejta e publikimeve rezervohet vetëm me lejen e autorit.

Copyright © 2018

Prodhimi i Brendshëm Bruto dhe Llogaria e Kursimit pa Taksa

Ekonomia duket si një fushë studimore e vështirë komplekse për tu kuptuar, apo shumë e vështirë për tu ndjekur në pafundësinë e informacionit që rrjedh sot në mediat e specializuara mbi ekonominë apo shpejtësisë së ndryshimit të tregjeve financiare sidomos për një njeri që nuk është mësuar as me terminologjinë.

Ndjekja e treguesve të ndryshëm makro-ekonomik apo ndjekja e shëndetit ekonomik të një vendi kryhet nga specialistë dhe përfaqësohet nga disa tregues ekonomik kryesorë. Më poshtë janë tre treguesit e përdorur zakonisht nga ekonomistët për të pasur një përgjigje nëse ekonomia është në rritje apo në ulje. E para është produkti i brendshëm bruto (PBB), e dyta është norma e inflacionit dhe e treta norma e papunësisë.

Për të mbrojtur financat personale në nivel individual, mikro-ekonomik ç’do njeri rezident i përhershëm apo qytetar kanadez duke plotësuar disa kushte paraprake ka të drejtën e çeljes e para së një llogarie të rregjistruar si llogaria e kursimit pa taksa (LLKPT), apo e dyta ai mund të ndërtojë një plan të regjistruar të kursimeve të pensionit (PRKP) ky është një lloj i planit të kursimeve të regjistruara të krijuara sipas Aktit të Tatimit mbi të Ardhurat dhe i regjistruar në Agjencinë e të Ardhurave të Kanadasë.

Në këtë artikull do të përqëndrohemi të trajtojmë pikën e parë të indikatorit makro-ekonomik produktin e brendshëm bruto (PBB). Gjithashtu do shpjegojmë dhe strategjinë fiskale që një individ duhet të kryej për të ruajtur sadopak kapitalin e tij të kursyer nga luhatjet e ekonomisë brenda një llogarie të rregjistruar, ajo që sot do të trajtojmë quhet llogaria e kursimit pa taksa (LLKPT).

Produkti i Brendshëm Bruto (PBB)

Quhet sasia e mallrave dhe shërbimeve që prodhon një vend është një nga treguesit kryesorë të shëndetit të ekonomisë. Produkti i Brendshëm Bruto (PBB) është një masë e vlerës totale të tregut të të gjitha mallrave dhe shërbimeve përfundimtare të prodhuara nga ekonomia në një vit, ky indeks PBB matet në dollarë kanadez. Vlera e PBB-së quhet zakonisht “nominale” ose “reale”. PBB-ja nominale shprehet në terma të çmimeve aktuale të tregut, ndërkohë që PBB-ja reale është rregulluar ndaj ndikimit të inflacionit për të injoruar ndikimin e rritjes së çmimeve.

Një rritje në PBB-në reale është interpretuar si një tregues që ekonomia po ecën mirë, ndërkohë që një rënie në PBB tregon që ekonomia nuk po funksionon me kapacitet të plotë. Një rritje në PBB është në përgjithësi një rritje në të ardhurat e korporatave dhe një rritje në dividentët ose çmimet e aksioneve dhe investimet në lidhje me fondet e përbashkëta të fondeve për investitorët. Anasjelltas, një rënie në PBB në përgjithësi korrespondon me fitime më të ulëta për kompanitë dhe kthime më të ulëta për investitorët.

Llogaria e Kursimit pa Taksa (LLKPT)

Llogaria e kursimit pa taksa (LLKPT) ofron një mënyrë për të fituar të ardhura nga investimet pa taksa. Ndërkohë që llogaritë e tjera të regjistruara mund të shtyjnë tatimin mbi të ardhurat e fituara sipas planit, LLKPT është i ndryshëm pasi që të ardhurat nga investimet e planit janë pa taksa kur tërhiqen.

Për të hapur një LLKPT, duhet të keni arritur moshën madhore, 18 ose 19 në varësi të provincës ose territorit në të cilin jetoni. Llojet e investimeve që mund të mbahen në një LLKPT përfshijnë: likuiditetet, fondet e përbashkëta, letrat me vlerë të listuara në një bursë të caktuar, çertifikata të garantuara të investimeve (ÇGI), obligacionet, ose ne disa aksione të kompanive të vogla.

Gjithmonë këshillohuni me specialistët fiskal, apo financiar për të pasur të dhëna e informacion të saktë ne hapat që do të ndërmerni sepse ç’do rast është i ndryshëm për të qene brenda rregullave. Por ç’farë duhet pasur parasysh, për këtë duhet te telefononi institucionin përkatës për të ditur nivelin maksimal, apo tavanin tuaj LLKPT. Për shembull një njeri që ka qene rezident i përhershëm apo qytetar kanadez prej vitit 2009, deri në 2018 ka në total të drejtë të depozitojë një shumë deri në 57’500 dollar kanadez, shumë kjo që mund të jetë e shpërndarë në disa institucione financiare apo në disa banka të ndryshme të nivelit të dytë në Kanada. Kujdes nëse ky tavan tejkalohet për shembull gjatë një muaji atëherë ka një penalitet fiskal prej 1% të balances më të lartë në këtë llogari në atë muaj, kjo vazhdon gjatë periudhës që ky tavan është tejkaluar. (Ç’do vit institucionet përkatëse rrisin tavanin sipas rritjes ekonomike apo inflacionit, që prej vitit 2009 që ka filluar LLKPT ka pasur vite nga 5’000 dollar kanadez, ka pasur vite 5’500 si dhe 10’000 dollar kanadez.)

TERMINOLOGJI

Shqip: LLKPT – Llogaria e Kursimit pa Taksa

Anglisht: FTSA – Free Tax Savings Account

Frengjisht: CELI – Compte d’Epargne Libre d’Impot

Shqip: PBB – Produkti i Brendshëm Bruto

Anglisht: GDP – Gross Domestic Product

Frengjisht: PIB – Produit Intérieur Brut

Shqip: PRKP – Plani i Rregjistruar i Kursimeve per Pension

Anglisht: RRSP- Registered Retirement Savings Plan

Frengjisht: REER- Régime Enregistré D’épargne-Retraite

Shqip: ÇGI – Çertifikata të Garantuara të Investimeve

Anglisht: GICs – Guaranteed Investment Certificates

Frengjisht: CPG – Certificat de Placement Guarnatee

Ermir Dardha

Flas Shqip

Kanada

E drejta e publikimeve rezervohet vetëm me lejen e autorit.

Copyright © 2018

info-Montreal: Zhvillohet takimi i parë i Bizneseve shqiptare në Kebek

Për herë të parë në Montreal nën inicjativën e z. Ajet Nuro dhe me përkujdesjen e organizatorëve znj. Kristiana Nika dhe z. Milidjan Cania u zhvillua një takim në formën e një 5 me 7, mes sipërmarrësve dhe profesionistëve të lirë shqiptarë apo edhe bashkëpunëtorë të huaj që veprojnë në Montreal dhe rrethina. 

z. Ajet Nuro, znj. Kristiana Nika, z. Milidjan Cania

Mbi tridhjetë kompani e profesionistë si edhe specialistë ju përgjigjën pozitivisht këtij takimi i cili u organizua ditën e premte, në datën 26 maj 2017 në ambjentet e Hotel Sheraton në Laval. Takimi ishte i programuar në dy pjesë, në pjesën e parë atë të kokteilit, ku sipërmarës e profesionistë të shoqëruar nën tingujt e pianos patën mundësinë e takimit dhe bisedës së lirë me njëri-tjetrin, si dhe me pjesën e dytë ku të ftuarit prezantuan bizneset, shërbimet dhe profesionet e tyre.

Foto: Prezantimi i kompanive

Në këtë takim u prezantuan profesionistë të ndryshëm shqiptar që operojnë në fushën ekonomike si në kontabilitet, financë, bankë, siguracione, konsulencë dhe ivenstimeve. Si dhe nga fusha të tjera të mjekësisë dentare, avokatisë, inxhinierisë, apo dhe sipërmarës në piceri, në fushën e ndërtimit, shërbimeve të sistemeve të kondicionimit, apo në fushën e inxhinierisë elektrike, imobiliare, konsulent karriere dhe shumë e shumë profile të tjera specializuara. 

Foto: Prezantimi i profesionistëve

z. Nuro u shpreh se takimi i parë i gjithë këtyre bizneseve dhe personaliteteve kishte si qëllim të vetëm njohjen me njëri-tjetrin, dhe ndihma dhe pse jo edhe ofrimi i shërbimit ndaj njëri-tjetrit, të ndihmojmë bashkëkombasit tanë pra të ndihmojmë dhe të ndihmohemi.

Foto: Së bashku në fund të takimit

Në fund të takimit të ftuarit patën mundësinë të prezantohen dhe shkëmbejnë ide dhe kontaktet për mundësitë e bashkëpunimit në të ardhmen. Një falenderim shkoi për sponsorat dhe bizneset që kanë mbështetur projekte të ndryshme komunitare. Një formular mbi pritshmëritë e këtij takimi apo përmirësimi më tej në të ardhmen, gjithashtu mbi cilësinë e këtij 5-7 u plotësua në përfundim nga të pranishmit.

info-Montreal

E drejta e publikimeve rezervohet vetëm me lejen e autorit.

Copyright © 2017

info-Montreal: Protesta për lirimin e Ramush Haradinaj edhe në Kanada

Në vazhdën e protestave në mbarë botën për lirimin e z. Ramush Haradinaj, kësaj rradhe ishin edhe shqiptarët me banim në Kanada.

Foto: Protesta “Unë jam Ramush Haradinaj”

Në datën 22 Prill 2017 nga ora 13:00 deri në ora 14:00 u zhvillua një protestë përballë Konsullatës Franceze në Montreal. Shqiptarët me banim kryesisht në Provincën e Kebekut ju përgjigjen pozitivisht thirrjes së z. Mehdi Isufi organizator i kësaj proteste.

Foto: z. Mehdi Isufi (organizator)

Fjalën e mbajti z. Mehdi Isufi (organizator) i cili u shpreh se z. Haradinaj ka qenë në mbrojtje të popullsisë, dhe më tej z. Gjergji Hasa (avokat) i cili u shpreh se Haradinaj ka shkuar me këmbët e tij dy herë në Gjykatën Ndërkombëtare të Hagës për tu gjykuar për të njëjtën periudhë dhe ka rezultuar i pafajshëm. Kjo ç’ështje e re e hapur se gjoja kanë dalë fakte të reja është thjesht një hakmarrje dhe një padrejtësi. 

Foto: Gjergji Hasa (avokat)

Protesta u zhvillua paqësisht, në të u dëgjuan thirrje si “Lironi Ramush Haradinaj” në anglisht apo “Unë jam Ramush Haradinaj” në frengjisht.  

Protestuesit ishin të veshur me flamujt shqiptar atë të Kosovës dhe Shqipërisë dhe në pankarta lexoheshin shprehje në të treja gjuhët (Shqip, Frengjisht, Anglisht) si “Ramush Haradinaj është Gjenerali jonë De Gaulle”, “Haradinaj është ç’lirimtar” apo “Haradinaj nuk je vetëm” etj.

Në pêrfundim z. Isufi falenderoj gjithë ata që ndihmuan dhe erdhën, në veçanti z. Ajet Nuro në pregatitjen e pankartave. Në përfundim të gjithë protestuesit u larguan qetësisht.

info-Montreal

E drejta e publikimeve rezervohet vetëm me lejen e autorit.

Copyright © 2017

info-Montreal: Themelohet Shoqata Shqiptare “Kosova”

info-Montreal: Para pak ditësh u themelua Shoqata Shqiptare Kosova në Kanada e cila pritet si fillim të zhvilloj veprimtarinë e saj gjerësisht në Montreal, Laval dhe rrethinat e saj. Për të kuptuar më tepër rreth kësaj info-Montreal zhvilloi një intervist me dy nga perfaqësuesit e Shoqatës z. Korab Xharra dhe z. Idriz Beha.

Foto 1: Nga dita e themelimit të Shoqatës Shqiptare Kosova

info-Montreal: Si lindi ideja për krijimin e Shoqatës Shqiptare Kosova në Kanada?

Korab Xharra: Pas disa diskutimesh dhe takimesh paraprake me bashkëatdhetarët, pas disa bisedimesh me z. Idriz Beha, z. Hakif Hoxha e shumë të tjerë si dhe disa shprehjeve të interesit në rrjetet sociale, duke dhe rrahur mendimet e ndryshme gjatë gjithë këtyre muajve të fundit u riaktivizua ideja për të pasur Shoqatën Kosova.

Foto 2: Nga dita e themelimit të Shoqatës Shqiptare Kosova

Por edhe pjesëmarrja në rritje nga aktiviteti i sukseshëm i festës së Pavarësisë së Kosovës dhe ai që vijoi më pas tek 8 Marsi. Bëri bashkë shumë familje që banojnë këtu prej dy dekadash, por që obligimet familjare dhe puna e përditshme nuk na e jep si mundësi takimi. Këtu u mor edhe përgjigja nga komuniteti që jemi pro organizimit në një tjetër nivel, dhe personalisht mendoj për qëllimin e ruajtjes dhe mos devijimit të identitetit kombëtar. 

Si rrjedhojë, ditën e dielë në datën 26 Mars 2017 në ambjentet e qëndrës “Centre du Sablon” në Laval u zhvillua mbledhja themeluese. Si rezultat ky grup nismëtar pasi analizoi doli në konkluzion dhe vendosi të themeloj Shoqatën Shqiptare me emrin “Kosova” por kjo të jetë një shoqatë e të gjithëve. 

Emri zyrëtar është Shoqata Shqiptare Kosova, ky qëndron thjesht si emër identifikues por në thelb të jetë pa kornizat krahinore, ku jo vetëm shqiptarët nga Kosova por edhe nga trevat e tjera e gjithkush ta ndihej veten të gjithë-përfshirë. Me qëllimin e rritjes së bashkëpunimit me njëri-tjetrin për një qëllim të përbashkët atë të realizimit të aktiviteteve të ndryshme kulturore, sportive etj. Ne si Shoqatë mendojmë se e rëndesishme është puna e grupit e jo të rendim pas fotove individuale, sepse suksesi dhe rezultatet në njërin krah apo edhe dështimi në krahun tjetër janë rrjedhojë e rezultatit të punës së përbashkët. Gjithashtu të jetë një mundësi, një opsion më tepër për komunitetin.

Foto 3: Nga dita e themelimit të Shoqatës Shqiptare Kosova

info-Montreal: Cili është misioni dhe ç’farë ka të veçant për nga struktura e organizimit të Shoqata Shqiptare Kosova në Kanada, disa fjalë rreth saj?

Korab Xharra: Duke patur një shoqatë aktive tonën ne u trashëgojmë fëmijëve tanë në rradhë të parë kulturën e bashkëpunimit, trashgiminë e traditave tona të çmuara dhe virtytet e mira të kombit shqiptar.

Përsa i përket strukturës Shoqata do të ketë një përfaqësues apo zëdhënës, dhe veçoria është se nuk do të ketë kryetar por ka një grup drejtues kryesie. Ky ishte varianti edhe më i votuar që Shoqata mos të ketë një kryetar por një kryesi ndërsa të gjithë anëtaret janë të mirëpritur të japin idetë e tyre për ç’do aktivitet. 

Kryesia është e përbërë në total nga 11-të vende nga të cilat shtatë anëtarë janë të zgjedhur, dhe 4 vende janë minimalisht të rezervuara për gjininë femërore. Që përfshirja e tyre të jetë e sigurtë pavarësisht se ditën e themelimit nuk patëm fizikisht asnje femër, por deri tani janë paraqitur tre gra, që do të paraqiten në mbledhjen e rradhës. Ç’do vendim do të merret sipas miratimit të shumicës dhe në respektin e pakicës. Forma e komunikimit do të jetë e hapur si dhe dëshirojmë që disa gjëra e punë ti bashkërendojmë me shoqatat e tjera si Bashkësia Shqiptare e Kebekut në Montreal dhe Shoqata Kulturore Shqiptare Montreal. Dëshirojmë të mos krijojmë shkollë tjetër shqipe por të bëhemi pjesë për krijimin e një klase brenda së njejtës shkollë me qëllimin e të pasurit vetëm të një shkolle në Montreal duke iu bashkangjitur asaj ekzistuesese.

info-Montreal: Ç’farë projektesh apo aktivitetesh ka në plan të zhvillojë në vijim Shoqata Shqiptare Kosova në Kanada?

Korab Xharra: Në vijim mendojmë të organizojmë aktivitete të ndryshme për fëmijë e të rritur. Si piknik, ecje (hiking) dhe aktivitete të tjera sportive etj.

Dëshirojmë të organizojmë një klasë shqipe por me mësues gegë, pavarësisht unifikimit të programit ne kemi fëmijë që nuk mund të ndjekin mësuesin apo duam që gjithashtu të mësojnë disa vjersha e një program informues mbi historinë etj.

Idriz Beha: Si projekt tjetër që është edhe dëshirë e imja e madhe, dëshirojmë që në 17 Shkurt 2018  të mundësojmë edhe në Montreal ashtu si edhe çdo vit ndodh në provincat e tjera ngritja e Flamurit të Kosovës me mbështetjen e gjithë komunitetit.

Ndërsa për fëmijët dëshirojmë të realizojmë eskursione si për shembull në Kopshtin Zoologjik në Granby apo në vende të ndryshme tërheqëse për ta.

info-Montreal: Ju falenderoj për intervistën dhe gjithashtu ju uroj shumë suksese ju dhe Shoqatës Shqiptare Kosova në projektet e ndryshme komunitare. 

info-Montreal

E drejta e publikimeve rezervohet vetëm me lejen e autorit.

Copyright © 2017